Cyber4CA loyihasi doirasidagi Erasmus+ treningi Italiyaning Piza shahrida o‘tkazilmoqda.

ERASMUS+

Erasmus+ dasturining Cyber4CA loyihasi doirasidagi navbatdagi trening Italiyaning Piza shahrida bo‘lib o‘tmoqda

2026-yil 26–30-oktabr kunlari Piza shahridagi Sant’Anna Oliy maktabi (SSSA) “Kiberxavfsizlik o‘quv dasturlari va Yevropa malakalar arxitekturasi” mavzusidagi besh kunlik treningga mezbonlik qilmoqda. Unda Yevropa va Markaziy Osiyodagi universitetlar, vazirliklar hamda sanoat hamkorlari vakillari qatorida Vatan universiteti delegatsiyasi ham faol ishtirok etmoqda.

Trening TeCIP instituti direktori, professor Piero Castoldining tabrik nutqi bilan ochildi.

Dastur doirasida:

• intellektual tizimlar kiberxavfsizligi bo‘yicha seminar;
• SSSA kiberxavfsizlik laboratoriyalariga tashrif;
• Yevropa kreditlarni o‘tkazish va to‘plash tizimi (ECTS) hamda talabalarning o‘quv yuklamasi bo‘yicha amaliy mashg‘ulot;
• o‘quv kurslarini Yevropa kiberxavfsizlik ko‘nikmalari doirasi (ECSF) va Yevropa ko‘nikmalar va kasblar tasnifi (ESCO) bilan muvofiqlashtirish.



Yakuniy kunda ishtirokchilar sinov tariqasidagi akkreditatsiya ekspertizasida qatnashishi, o‘zlari ishlab chiqqan kurslarni hamkasblariga taqdim etishi hamda loyihaning ish paketlari bo‘yicha yig‘ilishida ishtirok etishi rejalashtirilgan.

Qo'shimcha ma'lumot uchun: +998 (55) 506 88 88