Ekofaol Talabalar

Universitetimizning "Ekofaol Talabalar" dasturi doirasida 500+ dan ortiq faol talaba tabiatni muhofaza qilish, ekologik savodxonlikni oshirish va yashil kelajakni barpo etish yo'lida birgalikda harakat qilmoqda. Har bir qadam — tabiat uchun, kelajak avlod uchun.

Joriy yilning 26-noyabr kuni universitetda O'zbekiston ekovolontyor talabalar harakati a'zolari – ekofaol talabalar tashabbusi bilan Mahallani chiqindidan xoli hududga aylantiramiz shiori ostida hashar tashkil etildi.

Tadbirda Yoshlar bilan ishlash, ma'naviyat va ma'rifat bo'limi boshlig'i A.Ravshanov, tyutorlar A.Xazratov, B.Xomidova hamda O'zbekiston yoshlar ittifoqi universitet boshlang'ich tashkiloti yetakchisi O.Qilichova, shuningdek, universitet O'zbekiston ekovolontyor talabalar harakati a'zolari – ekofaol talabalari birgalikda ishtirok etdi.

Hashar davomida talabalar mahalla hududini maishiy chiqindilardan tozalash, daraxt atroflarini tartibga keltirish, yo'l chetlarini supurish hamda aholi o'rtasida ekologik madaniyatni mustahkamlash bo'yicha targ'ibot ishlarini olib bordilar.

Tadbir yoshlarning atrof-muhitga daxldorlik hissini oshirish, tozalikni saqlashga mas'uliyat bilan yondashish hamda mahallani obod maskanga aylantirishga volontyorlik ruhida hissa qo'shishga qaratildi.