Buyuk Britaniyalik mutaxassislar ishtirokida mahorat darslari o‘tkazilmoqda

29–30-oktabr kunlari Vatan universitetida Buyuk Britaniyadan tashrif buyurgan xalqaro mutaxassislar talabalar uchun mahorat darslarini o‘tkazmoqda.

Universitet mehmonlari

• Maykl Kerins (Michael Kerins) — SLATE Charity asoschisi va raisi;
• Stiven Rays (Stephen Rice) — SLATE Charity boshqaruv kengashi a’zosi;
• Kormak Grem (Cormac Graham) — Buyuk Britaniya va Irlandiya vakili, SLATE Charity boshqaruv kengashi a’zosi.

Mahorat darslari davomida talabalar ingliz tilini o‘rganishda jonli hikoyanavislik usullari, kommunikativ ko‘nikmalarni rivojlantirish, lug‘at boyligini oshirish hamda nomoddiy madaniy merosning ahamiyati haqida bilim va amaliy tajribaga ega bo‘lmoqdalar.

Shuningdek, xalqaro tanlovlar, adabiy ijod dasturlari va KNITC loyihasi orqali talabalar uchun yaratilayotgan yangi imkoniyatlar haqida ma’lumot berilmoqda.

Mazkur uchrashuvlar talabalarning xorijiy tillarni o‘rganishga bo‘lgan qiziqishini oshirish, ijodiy salohiyatini rivojlantirish va xalqaro hamkorlik aloqalarini mustahkamlashga xizmat qiladi.

Vatan universiteti — bilim, tajriba va natija bir maskanda.

Web-site | Manzil | Telegram | Instagram | Facebook | Youtube