Konferensiya

FALSAFA VA INSONIYAT: O‘TMISH, HOZIRGI ZAMON, KELAJAK

2026-yil 12-noyabr kuni Vatan universitetida “Jahon falsafa kuni” munosabati bilan “Falsafa va Insoniyat: o‘tmish, hozirgi zamon, kelajak” mavzusida Respublika ilmiy-amaliy konferensiyasi o‘tkaziladi.

12 Nov, 2026 Xalqaro tadbir Rejalashtirilgan

Ro'yxatdan o'tish

Tadbir haqida

FALSAFA VA INSONIYAT: O‘TMISH, HOZIRGI ZAMON, KELAJAK

- 2026-yil 12-noyabr kuni Vatan universitetida “Jahon falsafa kuni” munosabati bilan “Falsafa va Insoniyat: o‘tmish, hozirgi zamon, kelajak” mavzusida Respublika ilmiy-amaliy konferensiyasi o‘tkaziladi.

Konferensiya O‘zbekiston Respublikasi Oliy ta’lim, fan va innovatsiyalar vazirligi, Vatan universiteti, Respublika Ma’naviyat va ma’rifat markazi huzuridagi Ijtimoiy-ma’naviy tadqiqotlar instituti hamda O‘zbekiston faylasuflari uyushmasi hamkorligida tashkil etilmoqda.

Konferensiyaning asosiy maqsadi — jamiyat va insoniyat hayotida yuzaga kelayotgan muammolarga falsafiy yondashuv asosida yechim izlash, ijtimoiy, siyosiy, ma’naviy, ma’rifiy, madaniy, iqtisodiy, tarbiyaviy va diniy masalalarni ilmiy jihatdan tadqiq etishdan iborat.

Konferensiya doirasida:

— insoniyat bilan bog‘liq dolzarb jarayonlar tahlil qilinadi;
— zamonaviy muammolarga tarixiy tajribalar asosida yechimlar izlanadi;
— falsafa yordamida yangi shakllanayotgan masalalar tahlil qilinadi;
— davlat ilmiy-nazariy dasturlari doirasida amalga oshirilayotgan ilmiy loyihalarning borishi va natijalari muhokama qilinadi;
— yetakchi olimlarning ilmiy ma’ruzalari tinglanadi.

Konferensiya Oliy ta’lim, fan va innovatsiyalar vazirining 2025-yil 27-dekabrdagi 490-son buyrug‘i asosida tashkil etilmoqda.

Axborot xati: https://conferences.vatanuniversity.uz/