UMFT | “KAHOOT ENERJAYZER” O‘YINI BO‘LIB O‘TDI
University of Management and Future Technologies universitetida 8-mart — Xalqaro xotin-qizlar kuni hamda haftaning har payshanbasi “Yoshlar kuni” deb e’lon qilinganligi munosabati bilan talaba-qizlar o‘rtasida “Kahoot Enerjayzer” intellektual o‘yini tashkil etildi.
Mazkur tadbir talaba-qizlarning bilim salohiyatini namoyon etish, ularning jamoaviy ishlash ko‘nikmalarini rivojlantirish hamda universitet hayotidagi faolligini yanada oshirish maqsadida o‘tkazildi. O‘yin davomida talaba-qizlardan iborat jamoalar turli qiziqarli savollar orqali o‘z bilim va tezkor fikrlash qobiliyatlarini sinovdan o‘tkazdilar. Ishtirokchilar o‘rtasida sog‘lom raqobat, yuqori kayfiyat va do‘stona muhit hukm surdi.
Tadbir jarayonida universitetimizning iqtidorli talabalari tomonidan musiqiy chiqishlar namoyish etilib, ishtirokchilarga yanada ko‘tarinki kayfiyat bag‘ishlandi.
G'oliblar bilan tanishing:
1-o'rin "IT_GROUP"
2-o'rin "GIRLS"
3-o'rin "Economic"
Yakunda g'olib jamoalar e’tirof etilib, ularga Diplom hamda esdalik sovg‘alari topshirildi.